احلى اجازة
احلى اجازة `15`
========================
الدروس كتير...المذكرة صعبة ...الامتحنات قربت
كل الكلام ده سمعته كتير ..لكن النهاردة اخر يوم مذاكرة بكره الامتحان الاخير
فى حالةعدم هجوم كائنات فضائية على كوكب الارض ,او اكتشاف اختى انى كسرت العروسة
بتاعتها ...هاكون بعد شوية فى حلم جميل ..ايوة جميل ....هو الاجازة.
فى الاجازة ناوى اخرج مع اصحابى و اضحك براحتى فى الشارع و العب كورة و اعمل
دوشة و لما اتعب هاروح البيت مش هاضيع دقيقة هافتح التليفزيون و اعلى الصوت على
الاخر براحتى بقى اجازة... و انا حر...او افتح الكمبيوتر طول اليوم ..لغاية الصبح و العب فيفا
2005 ... يا سلام انا هعمل عمايل ...فجاة ...جرس الباب رن ...فتحت الباب لقيت استاذ
الكنيسة بيقولى :هاه اخبار الاجازة ايه ؟؟
قعدت احكى للاستاذ اللى هعمله ... الاستاذ كان هيغمى عليه...و حكى لى حكاية....
حكاية ولد كان معاه فلوس كتير ...لكن يا خسارة ضيعها كلها ...و لانه معرفش يستغلها كويس
انا عرفت انت بتتكلم عن ايه ..عن الابن الضال اللى اخذ فلوس ابوه و ضيعها وزعل ابوه
الاستاذ عدل النظارة و قالى :انت برضه معاك حاجة غالية جدا و هى الاجازة... ربنا
اعطى لك الوقت ده كله ...لكن ياترى انت هتعمل بيه ايه؟
هتضايق الناس وتضيع الوقت ؟؟ولاهتعمل حاجات مفيدة تفيد نفسك و تفيد الناس و هتفرح
ابوك السماوى بيك ؟؟
بصراحة انا اتكسفت ووطيت راسى.... لكن الاستاذ قالى يالا ادخل ...ذاكر دلوقتى و من بكرة
هيكون عندك الفرصة انك تستفيد من الاجازة ...فضلت افكر كلام الاستاذ مش عارف اعمل
ايه عشان استفيد بلاجازة؟؟
ويا ترى ....انت يا صحبى هتعمل ايه.......
بس صدقينى يا weta
فيفا 2005 يستاهل الواحد يقعد قدامه طول اليوم، لولا الشغل المتلتل.
الحكاية جميلة و يا ريت فعلاً كل واحد يستفيد من أى دقيقة بتضيع من عمره لأنها مش حتتعوض.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.