لو سمحتم ردوا علىَ....لازم

ماحدش يقدر يساعدك غير نفسك لأن ده مستقبلك و إنت صاحبة القرار و إنت أدرى واحدة بقدراتك و طموحاتك. و مش علشان نسيتى الورق فى البيت يبقى ده صوت ربنا .. ده بس ضعف ذاكرة مش أكتر و عدم تركيز.

أقعدى مع نفسك و فكرى، و ممكن تاخدى رأى ناس من هنا و ناس من هنا، و ممكن فى البيت كمان يساعدوكى.

لكن علشان حد يفتى لك فتوى من هنا و يقول لك خشى دى ولا خشى دى يبقى بنى آدم بيهرج لأنه لو درس فى كلية حقوق ما يعرفش إيه النظام فى خدمة إجتماعية أو العكس.



بصى يابنتى انا هقول لك حاجة انت نفسك ميالة لايه انك تحملى لقب محامية ولا اخصائية اجتماعية

ده اختيارك انت ومستقبلك وميولك واستعداك الشخصى انت مش اى حد تانى

لكن انا لى كلمة صغيرة صدقينى المستقبل بايد ربنا اما بالنسبة للدراسة فى مصر فكله محصل بعضه

طالما الكلية غير طب وهندسة وصيدلة ده بالنسبة للعلمى اما بالنسبة للادبى طالما بره سياسة واقتصاد

واعلام والسن يبقى كله محصل بعضه

وفى الاخر هو استعدادك انت فقط وفعلا زى ماحازم قال ان مش اى صدفة حصلت لنا انك نسيتى

الصور يبقى ده صوت ربنا لان ده من الطبيعة البشرية اننا ننسى

انا فى مقابلة هامة جدا نسيت اخذ اوراق معينة لكن ربنا ستر وماطلبوهاش هل معنى هذا ان هذا هو

صوت ربنا لى فى ذلك الوقت

انى اروح وما اكملشى المقابلة كان ممكن اعمل كده وكانت هتضيع عنى فرصة تحديد مصير لكنى اكملت

وربنا ستر وكملت على خير هنا اعتبرت ان هذا هو صوت ربنا انه مبارك هذه الخطوة لانه حدث معى

ستر من ربنا بعدم الاستفسار عن الورق وهذا على غير العادة

هل فهمتى يا ابنتى متى اقول ان هذا صوت ربنا لى

الرب يبارك اختيارك لما هو فيه صالح لك

طبعا انتى بس تقدرى تحددى انتى عاوزة اية نفسك تكونى اية انتى حابة تبقى فى اى كلية .
مفيش حد غيرك يقدر يحدد
سلام الرب لكم :
أولا : الف مبروك لنجاحك ودخولك للكلية ، بصى للاسف كنت فى المشكلة دى بتاعتك من كام سنة ياترى أدخل حقوق ولا معهد خدمة او اى معهد بفلوس بس المشكلة بعض الناس بيلاقوا تردد فى معهد الخدمة زى ما أنتى مترددة عايزة أقولك كنا فى ثانوية عامة نقول لو حقوق أخر كليه مش هندخلها . دا أحنا ندخل معهد خدمة وما ندخلش حقوق .بس وقت الجد بتدخلى الكلية الأكتر فى المجموع المهم دخلت حقوق فى النهاية بس هقولك على حاجه هل لو دخلتى حقوق عارفه بعد كده هتبقى أيه يعنى محامية ولا ايه، ونفس الحكايه فى الأخصائية الأجتماعية .
أقولك على فكرة حلوة أحضرى محاضرة او اتنين وشوفى هتعرفى تندمجى مع الكلية ولا لأ .
وعلى حسب ميولك انتى ايه ..يعنى الحقوق اهم حاجة فيها (الحفظ) وانتى ايه أخبارك فيها . حكاية الحفظ ولعلمك اي كليه فيها سهل والصعب والمتعب والمريح بس كل كليه من ناحية معينة .
وفى الأخر الموضوع يرجعلك وحاولى تعملى اللى انتى راضيه عنه علشان متقوليش ياريتنى كنت دخلت .............. بس هم اللى قاللولى أدخل.......... .والمهم تطمنينا هتعملى أيه.
وربنا مع الكل `17`

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

أحدث الموضوعات

From Coptic Books

إجمالي مرات مشاهدة الصفحة من 10/2010